Guide

Unu
fulanu at fatu domanda po intrai a traballai cument’e castiadori in-d unu
passàgiu a livellu intr”e sa ferrovia e s’arruga ki nci pàssant is
màkinas.

Sa
comissioni incarrigada de su scioberu de is traballadoris du tzèrriat pu di fai
s’ùrtimu esàmini orali.

“Intza’
sinnior Pistis… eus sceberau a fusteti po su postu de traballu in su passàgiu
a livellu de is trenus ki nci at in bidda sua…comuncas di depeus fai calincuna
pregunta ancora…”

“Bànda
beni…”

“Intza’
sinnior Pistis… faeus ki fusteti siat in sa cabina de su passàgiu a livellu…
est acant’a arribai su trenu… ita fait fusteti?”

“Cun
s’interrutori automàtigu ndi fatzu calai is stangas, is isbarras, po no fai
passai a is màkinas…”

“Poneus
ki s’interrutori siat segau…”

“Ndi
bessu de sa cabina e ndi fatzu calai is isbarras a
manovella…”

“Poneus
ki sa manovella siat segada…”

“Pigu
sa sbarra de palas e da fatzu abasciai cun is bratzus… a fortza… de una
banda e de s’atra puru…”

“Poneus
ki is isbarras sìant incastradas e no pòtzanta calai de nisciuna
manera…”

“Intza’
torru in sa cabina, ndi pigu is banderas arancionis e incumentzu a sinnalai a is
màkinas de si nci firmai…”

“Poneus
ki no nci sìant is banderas…”

“Intza’
pigu unu bidoni de benzina, calincunu arrogu de linna e fatzu unu fogu po fai
biri a is màkinas ki nc’est cosa perigolosa…”

“Poneus
ki fusteti no tèngat is ainas po allui su fogu…”

“Intza’
nci bessu in s’arruga po fai cumprendi a sa genti ki benit a màkina ki nc’est su
trenu ki est arribendi…”

“Poneus
ki is autistas de is màkinas sìant isbeliaus e no si
nd’acàtinti…”

“E
intza’ tzèrriu a Maria…”

“A
Maria? E kini esti?”

“Mulleri
mia!!”

“E
poita tzèrriat a mulleri sua?”

“Da
tzèrriu e di nau: Oh Maria curri, curri… de pressi… e beni a biri su casinu
ki ndi bessit imoi!!!”.