Macion’a mesupetza

e arrocali a-i scarada;

mancai ghetis s’arretza

no bis ki est purdiada?

Allui sa candela

ki seus a su scuriu;

nd’em’a sfilai de tela

ki ses totu skinniu!

A ki tengas arrori

e unu malu dannu!

Trempas de sonadori

no ti coyas ocannu.

Mama mia tenit benis

in su Mas’ e in Cuartùciu;

t’apu bistu tirendi

sali cun su carrùciu.

Si ses òmini sgurdu

gi ndi papas de leu!

du nàrat ki ses burdu

su porc’‘e sant’‘e Creu.

Acurrei, acurrei,

ki ant agatau ‘na baca;

piciok’‘e sabateri,

gi ndi tenis de spaca!

M’est bènniu ‘nu disìgiu

de papai macarronis;

ti creis ki ti fastìgiu

k’as incingiau cartzonis?

Su prus bell’‘e su Masu

nanta ki esti baroni;

est fat’a tratacasu

cussu fund’‘e cuponi.

A su can’‘e s’urrei

di nanta “pigh’ e busca”;

puita circas a mei,

faci cagad’‘e musca?

• » Invia tramite EMAIL
• » Versione per la STAMPA
• » Le vostre opinioni