Per stampare: Clicca qui oppure seleziona File » Stampa nel menù del tuo browser.
-----------------------------------------------------------------------------------------------
Questo intervento è stato stampato da Guide di Dada.Net
raggiungibile a http://guide.dada.net
-----------------------------------------------------------------------------------------------
By Lingua sarda di Càralu
URL: http://guide.dada.net/lingua_sarda/interventi/2006/12/279084.shtml
Lingua sarda di Càralu guida dal 09-12-2004
Unu de Danimarca benit a carculai
Sa faina noa ki anti prodùsiu is de su Sòtziu Curturali S’Iscandula de Casteddu.
Unu de Danimarca benit a carculai est su tìtulu de sa faina noa ki anti prodùsiu is de su Sòtziu Curturali S’Iscandula de Casteddu.
Est un’obra prurimedialis cun-d unu lìburu e dus ciddìs inui ant arregortu i anti fatu s’anàlisi de su ki nd’abbàrrat de sa busca scentìfiga de Andreas Fridolin Weis Bentzon s’antropòlogu danesu.
Po essi prus pretzisus est una parti sceti de is arregistratzionis e de is dogumentus ki s’etnòlogu de Danimarca iat arregortu a pitzus de sa poesia improvisada e is manifestatzionis curturalis de sa genti de Otacesus.
Ellus is launeddas... ki das sonàt Dionisu Burranca ca fiat su maistu.
Ma in su coru de su studiau nòrdigu ndi fìant intraus is cantus e is arrimas de is cantadoris campidanesus ki iat atobiau e connotu in Trexenta puru...
Comuncas, a cust’obra d’anti cuidada: Arìstidi Murru, ki còntat sa stòria “sarda” de Bentzon e ki nd’at torrau a scriri is poesias arregortas; Pàulu Zedda, ki nd’at analizau mètriga e forma; Srebastianu Vacca i Rentzu Zucca ki nd’anti torrau a scriri sa mùsiga.
Pustis de su documentàriu tzinematogàfigu intitulau Is Launeddas. Sa mùsica de is Sardus, ki d’at fatu in su 1993 Fiorèntziu Serra, umperendi is firmus de Bentzon e pustis de su lìburu cun ciddìs intitulau Launeddas. L’opera completa di A. F. W. Bentzon bessiu in su 2002, cun Unu de Danimarca benit a carculai S’Iscandula si fait donu de un’atru arrogu de su trabballu stravanau e de sperièntzia spantosa de un’òmini ki stimàt meda sa terra nostra.
Leggi l'articolo in italiano - in librisardegna.blog
Càstia is bìdeus pigaus in Ortacesus sàbadu su 9 de su mes''e Idas
Càstia sa noa a pitzus de sa presentatzioni de sàbadu su 9 de Mes''e Idas anke sa Sala de is Congressus in Otacesus - in altrasardegna.blog
